Ellər Orucov: "Həm özüm, həm də tələbəm dünya çempionu olduq"

İtaliyanın Karrara şəhərində Kunq-fu üzrə dünya çempionatı keçirilib. Yüksək nəticə göstərən millimizin tərkibində 5-ci dəfə dünya çempionu olan Ellər Orucov da var.

Sportline.az saytına açıqlama verən Ellər Orucov qələbə təəssüratlarını bölüşüb:

"İlk dəfə idi ki, dünya çempionatına həm məşqçi, həm də idmançı kimi qatılmışdım. 5-ci dəfə dünya çempionu oldum. Kunq-fu sanda üzrə 3 döyüş keçirdim. İtaliya, Rumıniya və Fransa təmsilçilərinə qalib gəlib, qızıl medal qazandım. Tələbəm Fərid Qasımov gümüş medal götürdü. Turqut isə yeniyetmələrdə dünya çempionu oldu. Ümumiyyətlə, komanda hesabında İtaliyadan sonra ikinci olduq. Millimiz yüksək nəticə göstərdi. Bütün qələbələrimizi şəhidlərimizə həsr edirik".