"Fənərbağça" nigeriyalı futbolçunun meneceri ilə təmasa keçib

Transfer çalışmalarını davam etdirən "Fənərbağça"da diqqətlər "Lester Siti"nin yarımmüdafiıçisi Vilfred Ndidiyə yönəlib.

Sportline.az Ajansspor.com-a istinadla xəbər verir ki, İstanbul klubu 27 yaşlı futbolçunun meneceri ilə danışıqlara başlayıb.

Nigeriyalı futbolçunun" Lester Siti" ilə müqaviləsi iyunun 30-da başa çatacaq.

Qeyd edək ki, Ndidi bu mövsüm Çempionşipdə iştirak etdiyi 36 oyunda 6 qol vurub, 6 asist edib.