Futbol ulduzu Rusiyaya qarşı sanksiyanı dəstəkləyib
Ukrayna millisi və "Milan"ın sabiq hücumçusu Andrey Şevçenko UEFA-nın Rusiya komandalarının beynəlxalq arenalardan kənarlaşdırılması haqda qərarını dəstəkləyib.
Sportline.az xəbər verir ki, məşhur futbol adamı RT-yə müsahibəsində bu qərarın qüvvədə saxlanılmasını alqışlayıb.
"Yaş həddi dünya ədaləti baxımından heç bir əhəmiyyət daşımır. Bu kiçik olsa da, çox vacib addımdır. Beynəlxalq arenada Ukraynanın maraqlarını müdafiə etməkdəyik", - deyə Şevçenko bildirib.
Qeyd edək ki, UEFA sentyabrın 26-da Rusiyanın U-17 millisinin beynəlxalq turnirlərə buraxılması haqda qərar qəbul etsə də, müxtəlif federasiyaların etirazından sonra oktyabrın 10-da qərarı ləğv edib.
