Fyodr Yemelyanenko qardaşından qeyri-adi təbrik alıb

Rusiyalı döyüş ustası Aleksandr Yemelyanenko məşhur qardaşı Fyodr Yemelyanenkonu ad günü münasibəti ilə təbrik edib.

Sportline.az xəbər verir ki, o, sosial şəbəkədə qardaşına qeyri-adi təbrik ünvanlayıb.

"Fyodr, qardaş, ad günü münasibəti ilə səni təbrik edirəm. Səndən üzr istəyirəm. Düzgün olmayan həyat tərzi və davranışımla səni incitdiyimə görə məni bağışla. İndi bərpa prosesi keçirəm. Zərərli vərdişlərdən yaxa qurtarmağa çalışıram. Qoy, mənim ayıqlığım sənin hədiyyən olsun!", - deyə Aleksandr hisslərini bölüşüb.

Qeyd edək ki, sentyabrın 28-də Fyodr Yemelyanenkonun 47 yaşı tamam olub.