İrqçilik qalmaqalı böyüyür

Bir neçə "Valensiya" azarkeşi məhkəmədə Vinisius Juniora jest etdiklərini etiraf ediblər.

Sportline.az xəbər verir ki, La Liqanın 35-ci turunda "Mestalya"da keçirilən matçda "Real Madrid" in vingeri Vinisius Juniora qarşı irqçilik ittihamı ilə həbs edilən 18-21 yaş arası üç tərəfdardan ikisi bazar ertəsi Valensiya inzibati məhkəməsində ifadə verib.

İkisi müəyyən jestlər etdiklərini etiraf ediblər. Onlar hansı jestləri göstərdiklərini dəqiqləşdirməyiblər, baxmayaraq ki, bunu kameralardakı qeydlərdən görmək olur.

Onlar bunun braziliyalının təxribatına azarkeşlərin birgə cavabı olduğunu israr ediblər.

Hər iki gənc hər hansı təhqiramiz ifadələr işlətmələri ilə bağlı deyilənləri təkzib ediblər. Onlar yalnız vəkillərinin suallarını cavablandırıb. Azarkeşlərdən biri də hakimin suallarını cavablandırıblar.

Üçüncü azarkeşin ifadəsi iyulun 11-nə təyin edilib. Məhkəmə Vinisiusu iyunun 27-də dinləməlidir. O, videokonfrans vasitəsilə ifadə verəcək.