Keyn Ronaldo və Messi kimi olmaq istəyir
"Bavariya"nın hücumçusu Harri Keyn uzun illər yüksək səviyyədə çıxış etməyi planlaşdırdığını bildirib.
Sportline.az xəbər verir ki, futbolçu “mən Messi və Ronaldonun nəyə nail olduqlarını düşünürəm: dördüncü onilliklərində də üçüncü onilliklərində olduğu kimi yaxşıdılar. Mənim indi 30 yaşım tamam oldu və bədənimi yaxşı formada saxlasam, düzgün düşüncə tərzini saxlasam, istədiyim qədər yüksək səviyyədə oynaya biləcəyim fikri məni çox həyəcanlandırdı" deyib.
30 yaşlı hücumçu yay transfer pəncərəsində "Tottenhem"dən "Bavariya"ya keçib. Əməliyyat məbləği 100 milyon avro təşkil edib.
