Kimmix “Real”a transfer ola bilər
“Bavariya”nın almaniyalı futbolçusu Coşua Kimmix İspaniya nəhəngi “Real Madrid”in transfer hədəfinə çevrilib.
Sportline.az futbol jurnalisti Florian Plettenburqun paylaşımına istinadən xəbər verir ki, “Real Madrid”in rəhbərliyi Coşua Kimmix üçün “Bavariya” klubuna 50 milyon avro ödəməyə hazırdır.
Coşua Kimmix “Real”da çıxış etməyə müsbət yanaşır. “Real Madrid” klubunun rəsmiləri Kimmixin meneceri ilə danışıqlara başlayıb.
Qeyd edək ki, Coşua Kimmixin “Bavariya” klubu ilə müqaviləsi mövsümün sonunda başa çatacaq.
