Lukakunun agentindən maraqlı açıqlamalar

“Roma” klubunun hücumçusu Romelu Lukakunun maraqlarını təmsil edən Sebastyen Ledur müştərisinin yeni kluba keçidinin çətinliklərini bölüşüb.

Sportline.az xəbər verir ki, Ledur açıqlamasında belə deyib: “Yay ​​transfer pəncərəsinin əvvəlində icarəni müzakirə etmək mümkün deyildi. İlk növbədə “Çelsi”nin sahibləri son çarə axtarır, futbolçunu satmaq istəyirdilər. Danışıqlarda real dəyişikliklər Səudiyyə Ərəbistanı klublarının beynəlxalq bazara çıxmasından sonra baş verdi. Onlar Avropa klublarına və xüsusən də “Çelsi”yə təklif etdikləri pulun miqdarı baxımından o qədər yüksək həddə qoymuşdular ki, digər Avropa komandalarının onlara uyğunlaşması son dərəcə çətinləşdi. Bir tərəfdən klub futbolçunu satmağa hazırdı, digər tərəfdən isə maksimum məbləği almaq istəyi var idi və təbii ki, bunu ödəməyə yalnız səudiyyəlilər qadirdi. Lukakunun isə Avropada qalmaq və Avropa yarışlarında iştirak etmək niyyəti çox aydın idi”.

30 yaşlı belçikalı 2024-cü ilin yayına kimi icarə əsasında "Roma"ya keçib.