Mbappe və Neymar ilk turda oynamayacaq

PSJ rəsmi saytında Fransa çempionatının ilk turunun "Loryen"ə qarşı oyunu üçün sifariş ərizəsini dərc edib.

Sportline.az xəbər verir ki, siyahıda 20 futbolçu var ki, onların arasında hücumçular Kilian Mbappe və Neymarın adı yoxdur. Parislilərin ərizəsində yarımmüdafiəçi Marko Verratti də yoxdur.

Daha əvvəl məlum olmuşdu ki, Mbappe müqavilədə 2025-ci ilə qədər uzadılma variantını aktivləşdirmək istəmir.

Verratti və Neymarın bu transfer dönəmində PSJ-dən ayrıla biləcəyi də bildirilirdi. İtaliyalı futbolçu Səudiyyə "Əl-Hilal"ı ilə maraqlanır, braziliyalı isə karyerasını “Barselona”da davam etdirmək istəyir.

PSJ - "Loryen" oyunu bu gün keçiriləcək.