Mikautadze üçün 13 milyon avro

"Mets" klubu Gürcüstan millisinin hücumçusu Jorj Mikautadzeni tamhüquqlu şəkildə heyətinə qatmaq istəyir.

Sportline.az xəbər verir ki, fransalılar bunun üçün "Ayaks"a 13 milyon avro ödəməyə hazırdırlar.

Bu haqda "Mets" klubu məlumat yayıb.

Qeyd edək ki, istedadlı forvard son mövsümün ikinci yarısını icarə əsasında Fransa təmsilçisində keçirib.

"Ayaks" 2023-cü ilin yayında Mikautadzenin transferi üçün "Metsə" 16 milyon avro ödəmişdi.