PSJ-nin futbolçusunun nitqi tutulub

PSJ-nin qapıçısı Serxio Riko ciddi problemlə üzləşib.

Sportline.az xəbər verir ki, İspaniyada atdan yıxılaraq başından zədələnən futbolçunun nitqi tutulub.

Xəstəxanada müalicə alan Riko fikirlərini yazılı şəkildə çatdırmaq məcburiyyətindədir.

O, sosial şəbəkə hesabında həyat yoldaşına sevgisini izhar edən yazını paylaşıb. 

Həkimlərin səyi ilə özünə gələn Serxionun müalicəsi davam etdirilir.

Qeyd edək ki, futbolçu İspaniyada istirahət zamanı atdan yıxılaraq huşunu itirmişdi. O, bir neçə gün komada qaldıqdan sonra yenidən həyata qayıdıb.