"Qarabağ" orta səviyyədən yuxarı komandadır" - "Sürix"in prezidenti

Çempionlar Liqasının II təsnifat mərhələsində "Qarabağ"a uduzaraq (2:3, 2:2) mübarizəni dayandıran İsveçrənin "Sürix" klubunun prezidenti Ancillo Kanepa açıqlama verib.

Sportline.az xəbər verir ki, o, Azərbaycan təmsilçisinin orta səviyyədən daha yüksəkdə olduğunu söyləyib:

"Məğlubiyyətə görə məyusuq. Daha çoxunu bacara bilərdik. Amma qəbul etməliyik ki, "Qarabağ" orta səviyyədən yuxarı komandadır. Düzdür, bu rəqibi keçmək olardı. Sadəcə, komandamızda keyfiyyət yox, təcrübə çatışmazlığı oldu. Heyətimizdə beynəlxalq səviyyədə təcrübəyə malik oyunçular var. Buna baxmayaraq, onlar ümid etdiyimiz kimi çıxış etmədilər".