"Roma"nı Fonseka çalışdıracaq

İtaliyanın "Roma" futbol komandasına yeni baş məşqçi təyin olunub. 

Sportline.az klubun rəsmi saytına istinadən xəbər verir ki, bu, Paulu Fonsekadır. Portuqaliyalı mütəxəssislə sonradan daha bir il uzadıla bilməsi şərti ilə 2 illik müqavilə bağlanılıb. 

Mozambik əsilli baş məşqçi ötən 3 mövsüm ərzində Ukraynanın "Şaxtyor" (Donetsk) komandasına rəhbərlik edib. O, 3 dəfə ölkə çempionu və 3 dəfə kubokun, 1 dəfə Superkubokun sahibi olub. Əvvəllər isə Fonseka Portuqaliyanın "Portu", "Pasuş de Ferreyra" və "Braqa" klublarında çalışıb.  

Qeyd edək ki, 46 yaşlı Paulu Fonseka "Roma"nın baş məşqçisi vəzifəsində Klaudio Ranyerini əvəzləyib.