Ten Haq Sanço və Entoni haqqında danışdı

"Mançester Yunayted"in baş məşqçisi Erik ten Haq komandanın yarımmüdafiəçiləri Ceydon Sanço və Entoni ilə bağlı vəziyyəti şərh edib.

Sportline.az xəbər verir ki, sentyabrın 10-da “Mançester Yunayted” Entoni məişət zorakılığı iddialarına görə məşqdən uzaqlaşdırıldığını açıqlayıb. Sentyabrın 14-də klub ten Haqla münaqişəsi olan Ceydon Sançonu komanda ilə məşqdən uzaqlaşdırıb.

“Klub məndən sərt qaydalar tələb etdi, çünki keçən mövsümə qədər burada düzgün mədəniyyət yox idi. Yaxşı davranış standartlarını təyin etmək vacibdir. Komanda birinci gəlir. Düşünürəm ki, Sanço ilə bağlı vəziyyətlə bağlı artıq hər şey deyilib.

Entoni qayıdır? Heç bir fikrim yoxdur. Əlbəttə ki, o, məyusdur, amma yaxşıdır,”, - deyə ten Haq bildirib.