Ter Ştegen: "Messinin qayıdışı "Barselona" üçün böyük üstünlük olardı"

"Barselona"nın qapıçısı Mark-Andre ter Ştegen "İnter Mayami"nin hücumçusu Lionel Messinin Kataloniya klubuna qayıtmasını istəyir.

Sportline.az xəbər verir ki, ter Ştegen bu barədə "Mundo Deportivo"ya açıqlama verib.

“Messinin qayıdışı, şübhəsiz ki, bizim üçün böyük üstünlük olardı. Ola bilsin ki, nə vaxtsa başqa bir rolda qayıdacaq. "Barselona" onun klubudur və onun həyatında həmişə mühüm yer tutacaq. Buradakı insanların çoxu hələ də onunla əlaqə saxlayır. Onun çox yaxın olduğu bəzi oyunçular indi Mayamidə onunla birlikdədir”, - deyə Ter Ştegen bildirib.