Ulduz futbolçu karyerasını bitirdi
"Real" və "Çelsi"nin sabiq futbolçusu Eden Azar karyerasını bitirmək qərarına gəlib.
Sportline.az xəbər verir ki, ulduz futbolçu bununla bağlı sosial şəbəkədə məlumat paylaşıb.
"Lazım olan vaxtda dayanmaq lazımdır. 16 illik futbol həyatı və 700 oyundan sonra mən karyeramı bitirmək qərarı verdim. Qazandığım uğurlardan həzz alıb, yeni təəssüratlar yaşamaq vaxtıdır", - deyə Azar fikirlərini bölüşüb.
Qeyd edək ki, 32 yaşlı belçikalı karyerası ərzində Fransa, İngiltərə və İspaniya çempionu adına, həmçinin dünya çempionatının bürünc mükafatına layiq görülüb.
