Coşua Kliçkonu nokauta göndərdi
Bu gecə "Uembli" stadionu möhtəşəm görüşə şahidlik edib. SportLine.az xəbər verir ki, superağır çəkidə Entoni Coşua və Vladimir Kliçko üz-üzə gəlib.
IBF, IBO və WBA versiyalarında dünya çempionu olan E.Coşua ukraynalı boksçu ilə görüşdə titullarını qorumağı bacarıb. O, 11-ci raundda rəqibini texniki nokauta göndərib.
27 yaşlı Coşua bununla IBF versiyası üzrə çempionluq tituluna 3-cü dəfə yiyələnib. O, professional rinqdə 19 qələbə ilə məğlubiyyət tanımır. Coşua bu qalibiyyətlərin haamısını nokautla əldə edib.
41 yaşlı Kliçko isə 64 dəfə qələbə qazanıb. O, qələbələrindən 53-nü nokautla başa çatdırıb.
Görüşü rekord sayda, 90 min tamaşaçı izləyib.
