Fikrət Ələkbərov: "Rəqibin avrokubok təcrübəsi fərq yaradırdı"

Azərbaycan Basketbol Liqasının 3-cü turunda "Sabah"a 87-99 hesabı ilə məğlub olan "Xırdalan" klubunun basketbolçusu Fikrət Ələkbərov klubun mətbuat xidmətinə matç haqqında fikirlərini bölüşüb.

Sportline.az həmin açıqlamaları təqdim edir:

"Oyuna pis başladıq və bu bizə çox təsir etdi. Bəzi səhvlərdə gənc komanda olduğumuz hiss olunurdu. Əsasən müdəfiədə və ribaundlarda çox səhvlərimiz var. Bunların üzərində çalışsaq, daha yaxşı yerə gələcəyimizə inanıram. Rəqibin güclü və avrokubok təcrübəsi olan legionerlərinin oyunu birmənalı şəkildə fərq yaradırdı. Xüsusən müdəfiədə çox sərt oynayırdılar ki, bu da ilk dəqiqələrdən hesabda özünü göstərdi".