Karate üzrə növbəti Avropa çempionatına ev sahibliyi edəcək ölkə açıqlanıb
Karate üzrə 2023-cü il Avropa çempionatına ev sahibliyi edəcək ölkənin adı açıqlanıb.
Sportline.az Dünya Karate Federasiyasının (WKF) rəsmi saytına istinadən xəbər verir ki, bu barədə qərar qurumun Türkiyənin Qaziantep şəhərindəki keçirilən Konqresində qəbul edilib.
Toplantıya EKF-in İcraiyyə komitəsinin üzvü və Azərbaycan Milli Karate Federasiyasının prezidenti Yaşar Bəşirov da qatılıb.
Yarışın İspaniyanın Qvadalaxara şəhərində təşkili qərara alınıb.
Qeyd edək ki, bu gün Qaziantepdə Avropa çempionatı start götürüb.
