"Lill" "Yuventus" qarşısına belə çıxacaq

Bu gün UEFA Çempionlar Liqasında Liqa mərhələsinin 4-cü turunun oyunları keçiriləcək.

Sportline.az xəbər verir ki, maraqlı görüşləlrdən biri Fransada gözlənilir.

“Real Madrid” və “Atletiko Madrid” kimi komandaları məğlub edən “Lill”, bu gün eyni nəticəni “Yuventus” üzərində təkrarlamağa çalışacaq.

Təbii ki, bu heç də asan vəzifə sayılmır. “Lill”in nə az, nə çox, düz, 9 futbolçusu komandaya kömək edə bilməyəcək. Osman Ture, İsmayili, Samuel Umtiti, Tiaqo Santos, Andre Qomeş, Etan Mbappe, Hakon Haraldsson, Nabil Bentaleb və Remi Kabella zədə səbəbində matçı buraxmalı olacaq.

“Qoca sinyora”da isə Qleyson Bremer, Arkadüş Milik və Nikolas Qonzales oyunu kənardan izləyəcək. Danilo isə “Ştutqart” ilə matçda aldığı qırmızı vərəqə səbəbindən görüşdə iştirak etməyəcək.

Bosniyalı İrfan Pelitonun hakim olacağı qarşılaşmanın start fiti gecə saat 12-də səslənəcək.