“Mançester Siti”nin “Feyenord” matçı öncəsi itkiləri açıqlanıb
Bu gün UEFA Çempionlar Liqasında 5-ci tura start veriləcək.
Sportline.az xəbər verir ki, “Mançester Siti” “Etihad Stadium”da “Feyenord”la üz-üzə gələcək. “Mançester Siti”nin heyətində itkilərin sayı kifayət qədərdir. Ceremi Doku, Ruben Diaş, Mateo Kovaçiç, Rodri və Oskar Bob matçda iştirak edə bilməyəcək. Sözü gedən futbolçular zədədən əziyyət çəkir.
“Feyenord”da İngiltərəyə itkilərlə yollanıb. İbrahim Osman, Ayesa Ueda, Hüqo Bueno, Qulinsdiy Hartman zədə, Kris Nadce isə cəzalı olduğu üçün matçı buraxmalı olacaq.
Qeyd edək ki, start fiti 00:00-da səslənəcək matçı ruminyalı hakim Radu Petresku idarə edəcək.
