Milli komandamızda yeni məşqçi

Boks üzrə qadınlardan ibarət Azərbaycan millisinə yeni məşqçi təyin olunub.

Azərbaycan Boks Federasiyasının Mətbuat xidmətindən Sportline.az-a verilən məlumata görə, 29 yaşlı Elvin Məmişzadəyə komandanın böyük məşqçisi vəzifəsi həvalə edilib.

Dünya çempionu və Avropa Oyunlarının qalibi, baş məşqçi Elbrus Rzayevin əsas köməkçisi funksiyasını yerinə yetirəcək. Artıq o, Olimpiya Təsnifat Turnirləri üçün hazırlaşan komandanın düşərgəsinə qoşulub.

Qeyd edək ki, Elbrus Rzayevin yetirməsi olan E. Məmişzadə 2015-ci ildə Bakıda keçirilən I Avropa Oyunlarının və Dohada təşkil olunan dünya çempionatının qalibi adına yiyələnib. Onun medal kolleksiyasında Avropa çempionatının gümüş (2010, Moskva) və bürünc (2013, Minsk) mükafatları da var.