NBA: "Boston Seltiks" intriqanı qızışdırdı
NBA-nın Şərq konfransındakı final seriyasında mübarizə davam edir.
Sportline.az xəbər verir ki, ilk 3 oyunu uduzmaqla pərəstişkarlarını ümidsizliyə düçar edən "Boston" ruhdan düşməyib.
"Seltiks" 5-ci dueldəki qələbə ilə intriqanı bir qədər də qızışdırıb. İlk periodu 35:20 hesabı ilə öndə bitirən bostonlular təşəbbüsü əldən verməyiblər. Nəticədə böyük fasiləyə də ev sahibləri üstün yollanıblar - 61:44.
Qalan vaxtda vəziyyəti dəyişməyə çalışan "Mayami Hit" istəyini reallaşdıra bilməyib. 110:97 hesabı ilə qələbə çalan "Boston Seltiks" ümumi seriyada fərqi 1-ə endirib - 2:3.
Komandanın lideri Ceyson Teytum bu görüşdə 21 xal və 11 asistlə qələbədə əsas pay sahibi olub.
