Nikola Yokiç NBA-nın tarixinə düşdü
"Denver Nagets"in oyunçusu Nikola Yokiç NBA tarixində pley-off seriyasını ümumi göstəricilərdə lider kimi başa vuran ilk basketbolçu olub.
Sportline.az xəbər verir ki, serbiyalı basketbolçunun aktivində 600 xal, 279 ribaund və 190 məhsuldar ötürmə var.
O, "Denver"ə "Mayami" üzərində 4-cü qələbəni qazandıran son oyunda (94:89) 28 xal, 16 ribaund və 4 assistlə yadda qalıb.
Qeyd edək ki, final seriyasında "Mayami"yə qalib gələn "Denver" tarixində ilk dəfə NBA-nın çempionu olub.
