Rio-2016: Teymur Məmmədov 1/8 finalda

Olimpiadanın növbəti günündə boks yarışları davam edib. SportLine.az xəbər verir ki, bu növdə daha bir medal ümidimiz - Teymur Məmmədov (81 kq) rinqə çıxıb.

London Olimpiadasının bürünc, Avropa Oyunlarının qızıl medalçısı Teymur ilk döyüşünü 1/16 final mərhələsində ukraynalı Denis Solonenkoya qarşı keçirib.

Qarşılaşma Teymur Məmmədovun qələbəsi ilə yekunlaşıb. Bununla da, idmançımız adını 1/8 finala yazdırıb.

Qeyd edək ki, yığmamız Rioda 10 kişi, 1 qadın boksçu ilə təmsil olunur.