"Sürix"in baş məşqçisini gözləyən təhlükə
İsveçrənin “Sürix” komandasının baş məşqçisi Franko Foda istefaya göndərilə bilər.
Sportline.az yerli mətbuata istinadən xəbər verir ki, UEFA Çempionlar Liqasının 2-ci təsnifat mərhələsinin cavab oyununda "Qarabağ"a mümkün məğlubiyyət avstriyalı mütəxəssisin qovulması ilə nəticələnəcək.
Mövsümə uğursuz start verən Sürix şəhərinin eyniadlı təmsilçisi ölkə çempionatının ilk turunda "Yanq Boyz"a 0:4 hesabı ilə uduzub, 2-ci turda isə "Lutsern"lə qolsuz heç-heçə edib.
Sabah keçiriləcək "Sürix" - "Qarabağ" matçı Bakı vaxtı ilə saat 21:00-da başlanacaq.
Qeyd edək ki, "Qarabağ" Bakıdakı görüşdə 3:2 hesablı qələbə qazanıb.
