"Sürix"in heyətində itki
"Sürix"in futbolçusu Beçir Omeraqiç "Qarabağ"a qarşı keçirəcəkləri UEFA Çempionlar Liqasının II təsnifat mərhələsinin cavab oyununda iştirak etməyəcək.
Sportline.az xəbər verir ki, 20 yaşlı müdafiəçi zədə səbəbindən meydana çıxa bilməyəcək.
Bundan əlavə, İsveçrə təmsilçisinin aparıcı oyunçularından hesab olunan Blerim Cemaylinin də oyunda iştirakı sual altındadır.
Qeyd edək ki, bu gün "Letsiqrund" stadionunda keçiriləcək görüş Bakı vaxtı ilə saat 21:00-da başlanacaq. Azərbaycan çempionu ilk oyunda 3:2 hesabı ilə qalib gəlib.
