Tokio-2020: Turan Bayramov uduzdu
Bu gün Tokio olimpiadasında sərbəst güləşçimiz Turan Bayramov (74 kq) mübarizəyə qoşulub.
Sportline.az xəbər verir ki, Bayramov 1/8 finalda Vasil Mixaylovla (Ukrayna) qarşılaşıb. Görüş 20 yaşlı idmançımızın 4:2 hesablı qələbəsi ilə yekunlaşıb.
Turanın 1/4 finaldakı rəqibi ikiqat dünya, dördqat Avropa çempionu və Rio-2016 Yay Olimpiya Oyunlarının bürünc mükafatçısı Frank Çamiso olub. İdmançımız rəqibinə xal hesabında 1:3 uduzaraq, qızıl medal qazanmaq şansını itirib. Çamiso finala kimi irəliləyəcəyi təqdirdə Bayramov təsəlliverici görüşlərdə iştirak haqqı əldə edəcək.
