XV Paralimpiya oyunlarına start verilir

Bu gecə  Rio-De-Janeyro XV Yay Paralimpiya Oyunlarına start götürəcək.

SportLine.az xəbər verir ki, açılış mərasimi yerli vaxtla saat 18:15-də (Bakı vaxtı ilə saat 01:15-də)  "Marakana" stadionunda təşkil ediləcək.

Azərbaycanın bayrağını cüdo üzrə ikiqat paralimpiya çempionu, "Bakı 2015" I Avropa Oyunlarının qalibi, eləcə də 2 qat dünya və 6 qat Avropa çempionu İlham Zəkiyev aparacaq.

Yarışlara sentyabrın 8-dən start veriləcək. Azərbaycan XV Yay Paralimpiya Oyunlarında 27 paralimpiyaçı ilə təmsil olunacaq. Onlardan 6-sı qadındır. İdmançılar cüdo, atletika, üzgüçülük, güllə atıcılığı, kamandan oxatma və pauerliftin növlərində 44 medal uğrunda mübarizə aparacaqlar.

Nümayəndə heyəti Rio-de-Janeyroya sentyabrın 2-də yola düşüb. Sentyabrın 5-də Paralimpiya Kəndində Azərbaycan bayrağının qaldırılma mərasimi keçirilib.

Paralimpiya Oyunlarına sentyabrın 18-də yekun vurulacaq.