Araz Abdullayev üçün yeni baş məşqçi
Millimizin üzvü Araz Abdullayevin çıxış etdiyi Türkiyənin "Boluspor" komandasının yeni baş məşqçisi müəyyənləşib.
Sportline.az klubun rəsmi saytına istinadən xəbər verir ki, komanda Reha Erginerə tapşırılıb. 50 yaşlı mütəxəssislə mövsümün sonuna kimi müqavilə imzalanıb.
O, bu postda oktyabrın 19-da istefaya göndərilən Ahmet Taşyüreki əvəzləyib.
Qeyd edək ki, "Boluspor" 6 turdan sonra I Liqada 2 xal toplaya bilib. Hazırda 18-ci pillədə qərarlaşan komanda son oyunda "Balıkesirspor"la qolsuz heç-heçə edib.
