Azərbaycan çempionunun oyununda təhlükəsizlik tədbirləri gücləndiriləcək
Futzal üzrə Çempionlar Liqasının ilkin mərhələsində Yunanıstan AEK-i ilə Azərbaycan çempionu "Araz" arasında keçiriləcək oyun öncəsi koronavirusla bağlı təhlükəsizlik tədbirləri gücləndiriləcək.
Sportline.az "enwsi.gr" saytına istinadən xəbər verir ki, Afinadakı "Daıs Sports Hall"da baş tutacaq matçda sosial məsafənin qorunması üçün arenada 4 giriş zonası fəaliyyət göstərəcək.
Azarkeşsiz oynanılacaq qarşılaşmada meydandakı oyunçulardan başqa, hamının tibbi maska taxması məcburi olacaq.
Qeyd edək ki, noyabrın 29-da keçiriləcək görüş Bakı vaxtı ilə saat 16:30-da başlayacaq. Cütün qalibi bir oyunla müəyyənləşəcək.
