"Bavariya" rekord seriyanı davam etdirir

"Bavariya" UEFA Çempionlar Liqasının qrup mərhələsinə "Mançester Yunayted" üzərində qələbəylə (4-3) başlayıb.

Sportline.az xəbər verir ki, münhenlilər bununla turnirin qrup mərhələlərindəki məğlubiyyətsiz seriyanı davam etdiriblər.

Almaniya təmsilçisi keçirdiyi 35 oyunun 32-də qələbə çalıb, 3 görüşü isə heç-heçə ilə başa vurub.

Bu göstərici Çempionlar Liqası tarixinin rekordudur.

Qeyd edək ki, "Bavariya" sonuncu dəfə 6 il əvvəl 2017-ci ildə PSJ-yə məğlub olmuşdu.