Daha bir klub Şamaxıda oynayacaq

Azərbaycan 1-ci liqasında mübarizə aparacaq “Şimal”ın ev oyunlarını keçirəcəyi stadion məlum olub.

Sportline.az xəbər verir ki, Xaçmaz təmsilçisi rəqiblərini Şamaxıda qəbul edəcək.

Bu barədə klubun mətbuat xidməti məlumat yayıb. Komandanın ev oyunları Şamaxı Olimpiya Mərkəzinin stadionunda keçiriləcək. 

Xaçmaz Olimpiya İdman Kompleksinin stadionu 1-ci liqa matçları üçün əlverişsiz hesab olunduğundan Şimal təmsilçisi bu addımı atıb.

Komanda 1-ci liqanın ilk turunda sentyabrın 4-də “Gəncəbasar”ı qəbul edəcək.

Xatırladaq ki, Şamaxıdakı əsas stadionda Misli Premyer Liqa təmsilçiləri “Şamaxı” və “Araz-Naxçıvan” ev oyunlarını keçirir.