Donçiç fanatlarını sevindirdi

"Dallas Maveriks"in oyunçusu Luka Donçiç NBA-nın yeni mövsümü ərəfəsində məşqləri bərpa edib.

Sportline.az xəbər verir ki, bununla belə komandanın liderinin "San Antonio Spörs"lə oyunda iştirakı sual altındadır.

"Iki gündür ki məşqə çıxıram. Özümü yaxşı hiss edirəm. Görək sabah necə olacaq...", - deyə Donçiç azarkeşləri ümidləndirib.

Qeyd edək ki, Donçiç ötən mövsüm Milli Basketbol Assosiasiyasının müntəzəm çempionatında 66 oyunda meydançaya çıxmışdı.