"Əl-İttifaq"dan "Ayaks"a

“Əl - İttifaq”ın yarımmüdafiəçisi Cordan Henderson “Ayaks”a keçir.

Sportline.az xəbər verir ki, ingiltərəli futbolçu transferini tamamlamaq bu gün Amsterdama gələcək.

Bu barədə X sosial şəbəkəsində jurnalist Fabrisio Romano məlumat yayıb.

Onun sözlərinə görə, tərəflər arasında müqavilə 2025/2026 mövsümünün sonuna kimi qüvvədə olacaq.

Henderson 2023-cü ilin yayından “Əl İttifaq”da çıxış edir. Buna qədər yarımmüdafiəçi 12 il “Liverpul”un şərəfini qoruyub.

Henderson bu mövsüm bütün yarışlararda 19 oyun keçirib və 5 məhsuldar ötürmə edib.

İngilis futbolçunun hazırki klubu ilə müqaviləsi 2026-cı ilin sonuna kimi qüvvədədir.

Transfermartda oyunçunun transfer dəyəri 7.5 milyon avro olaraq qiymətləndirilir.