"Həbib yenidən MMA-ya qayıdacaq"

Məşhur MMA məşqçisi Xavyer Mendes Həbib Nurmaqomedovun yenidən MMA-ya qayıdacağı ilə bağlı fikirlərini bölüşüb.

Sportline.az xəbər verir ki, təcrübəli mütəxəssis hazırda vaxtını əsasən ailəsinə ayıran Nurmaqomedovun məşqçilik fəaliyyətinə başlayacağı vaxtın qeyri-müəyyən olduğunu deyib.

"Düşünürəm ki, Həbibin övladları böyüyüb idmanla məşğul olanda o, MMA səhnəsinə qayıdacaq. Həbibin məşqçiliyinin də idmançı karyerasında olduğu kimi mükəmməl alınacağına şübhə etmirəm", - deyə Mendes Red Corner MMA-ya müsahibəsində bildirib.

Xatırladaq ki. MMA-nın əfsanəvi döyüşçülərindən sayılan Həbib Nurmaqomedov karyerasını 2020-ci ildə başa vurub.

O, keçirdiyi 29 döyüşün hamısında qələbə qazanıb.