"Milan" "Borussiya" qarşısına ciddi itkilərlə çıxacaq
Bu gün UEFA Çempionlar Liqasında qrup mərhələsinin ikinci turunun oyunları keçiriləcək.
Sportline.az xəbər verir ki, maraqlı görüşlərdən biri Almaniyada olacaq.
F kvartetinin "Borussiya" - "Milan" dueli gərgin və maraqlı mübarizə vəd edir. Doğma meydan amilindən yararlanmağa çalışacaq dortmundlular ilk turda PSJ-yə 0-2 hesablı məğlubiyyəti unutdurmaq niyyətindədirlər. Startda "Nyukasl"la heç-heçı oynayan "Milan" da Almaniyaya 3 xal ardınca gəlib. Hər iki komandanın aktivində itkilər var. Dortmundlulardan Tomas Mönye, Mateu Morey və Marsel Zabitser, qonaqlardan isə Benasser, Kalulu, Kruniç, Saldara, Loftus Çik matçı kənardan izləməli olacaq. Bununla belə hər iki komandanın baş məşqçiləri meydana döyüşkən heyət buraxmaq sarıdan əziyyət çəkməyəcək. Qrupun digər matçında PSJ "Nyukasl"ın qonağı olacaq.
Hər iki görüş Bakı vaxtı 23:00-da başlanacaq.
