Milli komandanın oyunu rekordlar kitabına salınacaq
Rusiya və Kuba seçmə futbol komandalarının yoldaşlıq görüşü Rusiyanın rekordlar kitabına daxil ediləcək.
Sportline.az xəbər verir ki, Rusiya millisi bu qarşılaşmada bir oyunda fərqlənən futbolçuların sayına görə öz rekordunu təzələyib.
Belə ki, sözügedən oyunda Rusiya seçməsinin fərqli 8 futbolçusu rəqib qapısına yol tapıb.
Xatırladaq ki, noyabrın 20-də Volqaqradda keçirilən yoldaşlıq matçı meydan sahiblərinin 8-0 hesablı qələbəsi ilə yekunlaşmışdı.
Həmin qarşılaşmada Ivan Oblyakov, Aleksandr Qolovin, Anton Mirançuk, Aleksandr Silyanov, Aleksandr Sobolev, Danil Prutsev, Nikita Krivtsov və Andrey Mostovoy Kuba futbolçularını məyus edtmişdi.
