Moratanın ən güclü saydığı hücumçular
Madrid "Atletiko"su və İspaniya millisinin forvardı Alvaro Morata ən güclü hesab etdiyi hücumçuların adını açıqlayıb.
Sportline.az xəbər verir ki, o, bununla bağlı sualı belə cavablandırıb: "Ən güclü hücumçulardan söhbət gedirsə, ilk növbədə Xoselunun adını çəkə bilərəm. Ona görə ki, o millidə mənim komanda yoldaşımdır. Onunla yanaşı Harri Heyn və Robert Levandovskini qeyd edərdim".
Morata 3 futbolçu arasında Levondovskini xüsusilə fərqləndirib.
"Onun böyük pərəstişkarıyam. Levandovskinin oyunundan həmişə zövq almışam", - deyə Morata Football Espana-ya müsahibəsində bildirib.
