"Neftçi"nin rəqibi Bakıya itki ilə gəlir
"Aris" (Limmasol, Kipr) Konfrans Liqasının 2-ci təsnifat mərhələsində "Neftçi" ilə cavab oyununa ciddi itki ilə çıxacaq.
Sportline.az Kipr mətbuatına istinadən xəbər verir ki, komandanın futbolçusu Matiya Şpolyariç zədələnib. Yarımmüdafiəçinin əzələsində problem yarandığı üçün o, Bakıya gəlməyəcək.
Qeyd edək ki, komandalar arasında ilk matçda "Neftçi" “Aris”ə 0:2 hesabı ilə uduzub. İyulun 28-i "Bakcell Arena"da oynanılacaq cavab matçı saat 21:00-da başlayacaq.
