"Nyukasl" UEFA-nın reqlamentini pozduğuna görə cəzalana bilər

İngiltərənin "Nyukasl" klubu cəzalandırıla bilər.

Sportline.az The Sun nəşrinə istinadla xəbər verir ki, "sağsağanlar" UEFA-nın reqlamentini pozduğunu görə bu təhlükə ilə üzləşiblər.

Daha dəqiq desək nyukasllılar əlverişsiz hava şəraitinə görə Milana nəzərdə tutulan vaxtdan 2 saat 20 dəqiqə gec çatıblar.

Bununla əlaqədar olaraq baş məşqçi Eddi Haunun mətbuat konfransı da gec baş tutub.

Qeyd edək ki, "Nyukasl" bu gecə ÇL-in qrup mərhələsinin ilk turu çərçivəsində "Milan"ın qonağı olacaq.