"Qalatasaray" Okan Burukla yeni müqavilə imzalayacaq

"Qalatasaray" ardıcıl 2 mövsüm çempionluq yaşadığı Okan Burukla yola davam edəcək.

Sportline.az Trtspor.com-a istinadla xəbər verir ki, təcrübəli mütəxəssislə 2 illik yeni müqavilə imzalanacağı gözlənilir.

"Sarı-qırmızılılar" Okan Burukun rəhbərliyi altında çıxdığı 74 oyunda 61 qələbə, 7 bərabərlik, 6 məğlubiyyət yaşayıb.

Qeyd edək ki, 50 yaşlı çalışdırıcı 2019/2020 mövsümündə  "Başakşehir" ilə Super Liqanın qalibi olub.