"Qarabağ" Avropa Liqasının liderləri sırasında
“Qarabağ” Avropa Liqasında mübarizəni dayandırmasına rəğmən, 1/8 final mərhələsinin cavab oyunlarından sonra dörd statistik göstəriciyə görə liderliyini davam etdirir.
Sportline.az xəbər verir ki, topa sahibliyi qaytarmaq baxımından ən yaxşısı “Qarabağ”dadır (431). Onları “Roma” (404), “Sportinq” (402), “Frayburq” (389), həmçinin “Atalanta” və “Sparta”(Praqa) (hər biri 386) izləyib.
“Qarabağ” həmçinin “Sparta”nı (36) və “Roma”nı (32) qabaqlayaraq, ümumi seyvlərin sayına görə (44) liderdir. Öz növbəsində, futbolçular arasında seyvlərin sayına görə komandanın qapıçısı Andrey Lunev ən yaxşı rekorda malikdir (44). İlk 3-lüyə həmçinin “Sparta”nın qapıçısı Peter Vindal (36) və “Roma”nın qapıçısı Mile Svilar (32) daxildir.
Bundan əlavə, yarımmüdafiəçi Xulio Romao mübarizədə (28), serbiyalı “Baçka Topala”nın futbolçusu Milan Radini (22), “Aris”in üzvü Julius Soke və “Marsel”in müdafiəçisi Leonardo Balerdi (hər biri 20) qabaqlayır.
