"Real"ın oyunçusu 3 ay yaşıl meydanlardan uzaq qala bilər
"Real"ın yarımmüdafiəçisi Brahim Diaz uzun müddət komandasına kömək edə bilməyəcək.
Sportline.az İspaniya klubunun mətbuat xidmətinə istinadla xəbər verir ki, "Real Sosiedad"la La Liqanın 5-ci turunda keçirilən görüşdə zədələnən 25 yaşlı futbolçunun sağ budunda zədə aşkar edilib.
Marca nəşrinin xəbərinə görə oyunçunun bərpa müddəti 3 aya yaxın çəkəcək.
Qeyd edək ki, bu mövsüm 5 oyunda meydana çıxan Diaz aktivinə 1 qol və 1 asist yazdırıb.
