Unikal nəticə ilə klub tarixinə düşdü

"Indiana Peysers"in oyunçusu Tayriz Halibörton klubun tarixinə adını yazdırıb.

Sportline.az xəbər verir ki, o, komandanın heyətində 40-dan çox xal toplayan və bir oyunda 10-dan çox asist edən ilk oyunçu ünvanına sahib çıxıb.

Bu nəticə "Indiana"nın bu gün "Şarlott Hornets"ə 124:125 hesabı ilə məğlub olduğu oyunda qeydə alınıb.

Xalibörton bu qarşılaşmada öz hesabına 43 xal və 12 məhsuldar ötürmə yazdırıb. 

Qeyd edək ki, "Indiana Peysers" müntəzəm çempionatın 6 matçından sonra Şərq konfransında yeddinci yerdə qərarlaşıb.