Viktor Osimhenin arzusu
Nigeriya millisinin hücumcusu Viktor Osimhen Afrika Millətlər Kuboku ilə bağlı istəyini açıqlayıb.
Sportline.az xəbər verir ki, "Napoli"nin forvardı milli komandasını bu turnirdə qalib görməyi arzulayır.
“Komandamın Afrika Kubokunu qazanması üçün çox şey etməyə hazıram. Ola bilsin ki, bu uğur nə vaxtsa bizə qismət olacaq və mən onda rahat nəfəs alacam”, - deyə Osimhen GOAL.com-a müsahibasində bu fikirləri səsləndirib.
Osimhen Nigeriya millisində 2017-ci ildən çıxış edir. Cari mövsüm "Napoli"nin heyətində bütün turnirlər daxil olmaqla 18 oyuna çıxan oyunçunun aktivində 8 qol, 3 məhsuldar ötürmə var.
Nigeriya seçməsi Afrika Millətlər Kubokunda Fildişi Sahili, Ekvatorial Qvineya və Qvineya Bissau ilə eyni qrudpa mübarizə aparır.
"Super qartallar" sonuncu dəfə 2013-cü ildə bu turnirin qalibi olublar.
