2034-cü ildə keçiriləcək dünya çempionatı ilə bağlı yeni qərar
2034-cü ildəki futbol üzrə dünya çempionatı qışda keçirilə bilər.
Sportline.az xəbər verir ki, bu barədə "Daily Mail" nəşri məlumat yayıb.
Mundiala ev sahibliyi etmək üçün müraciət ünvanlayan yeganə ölkə Səudiyyə Ərəbistanıdır. Bu, dekabrın 11-də FIFA-nın Konqresində rəsmən təsdiqlənəcək.
Səudiyyə Ərəbistanında yay aylarındakı istini nəzərə alsaq, turnirin qışda təşkil olunma ehtimalı yüksəkdir.
Yarışın Ramazan ayı ilə üst-üstə düşməməsi üçün dünya çempionatının yanvarın əvvəlində başlaması variantı müzakirə edilir.
Qeyd edək ki, 2022-ci ildəki mundial noyabrın 20-dən dekabrın 18-dək Qətərdə baş tutub.
