Azərbaycan karateçiləri Türkiyədə keçirilən turnirdə uğurla çıxış ediblər

Azərbaycan karateçiləri Türkiyənin Çanaqqala şəhərində keçirilən "Dardaneles Karate Championship" turnirində uğurlu çıxış ediblər.

Azərbaycan Karate Federasiyasından Sportline.az-a verilən məlumata görə, Məhəmməd Kazımlı qızıl medal qazanıb.

Qəhrəman Rzaquliyev gümüş, Hüseyn Babayev və Əliəşrəf Qafarov bürünc medalla kifayətləniblər.

Azərbaycan təmsilçiləri yarışa məşqçi Asiman Qurbanlının rəhbərliyi ilə qatılıblar.