Azərbaycan Paralimpiya lisenziyalarından imtina etdi

Azərbaycan rusiyalı paralimpiyaçıların 2016-cı il Rio-de-Janeyro Yay Paralimpiya Oyunlarına buraxılmaması səbəbindən verilən 3 lisenziyadan imtina edib. Azərbaycan Gənclər və İdman Nazirliyindən SportLine.az-a verilən xəbərdə bildirilir ki,  azərbaycanlı paralimpiyaçılar özlərinin qazandıqları lisenziya əsasında yarışa  qatılıblar. Xatırladaq ki, İdman Arbitraj Məhkəməsinin çıxardığı qərara əsasən, Beynəlxalq Olimpiya Komitəsi tərəfindən rusiyalı paralimpiyaçıların lisenziyaları alınaraq, digər ölkələrə paylanılıb. XV Yay Paralimpiya Oyunlarına Azərbaycanın 24 paralimpiyaçısı 6 idman növündə ümumilikdə 44 lisenziya qazanıb.