"Beşiktaş" fanatları "Qarabağ"ı dəstəkləyəcəklər
"Qarabağ" sabah Avropa Konfrans Liqasının pley-off mərhələsində cavab oyununa çıxacaq.
"Gent"lə Belçikada keçiriləcək görüşdə komandamız dəstəksiz qalmayacaq.
Bu haqda Sportline.az-a "Qarabağ"ın mətbuat katibi Gündüz Abbaszadə məlumat verib. Onun sözlərinə görə, Avropanın müxtəlif şəhərlərində yaşayan təxminən 400-ə yaxın azərbaycanlı oyun günündə tribunalarda olacaq.
Türkiyənin "Beşiktaş" klubunun Belçikada fəaliyyət göstərən azarkeş qrupu da "Gent"lə oyunda "Qarabağ"ı dəstəkləyəcək.
Qeyd edək ki, "Gent" - "Qarabağ" matçı fevralın 23-də Bakı vaxtı ilə 00:00-da başlanacaq. Bakıda keçirilən ilk oyunda "Qarabağ" 1-0 hesabı ilə qalib gəlmişdi.
